Літаратурная гадзіна “Сустрэча з творамі У. Ліпскага” у гарадской бібліятэцы № 6

21 мая ў гарадской бібліятэцы №6 прайшла літаратурная гадзіна “Сустрэча з творамі У. Ліпскага”, прысвечаная 75-годдзю з дня нараджэння пісьменніка. Падчас мерапрыемства вучні 3”А” класа ДУА “Беларускамоўная гімназія №2 г.Барысава” пазнаёміліся з творамі беларускага пісьменніка У. Ліпскага - лаўрэата Дзяржаўнай прэміі Рэспублікі Беларусь, прэмій імя Я.Маўра, В.Віткі, а таксама міжнароднай прэміі. У пісьменніка для дзяцей шмат займальных, багатых прыгодамі, казачнымі сітуацыямі апавяданняў. Кожны твор У.Ліпскага вучыць дзяцей дабрыні, чалавечнасці, развівае фантазію малых, далучае да роднага слова. Бібліятэкар А.Цыганкова пазнаёміла вучняў з творчасцю У.Ліпскага, зачытала ўрывак з новай аповесці-казкі “Закаханы трэцякласнік”. Мерапрыемства суправаджалася электроннай прэзентацыяй. Напрыканцы сустрэчы ўвазе чытачоў была прадстаўлена кніжная выстава “Усё жыццё працую для дзяцей”.