Літаратурнае падарожжа “Як цікава ўсе на свеце з кнігамі Ягоўдзіка ўсім дзецям” у гарадской бібліятэцы №1

18 лютага  ў дзіцячым аддзеле гарадской бібліятэкі № 1 адбылося літаратурнае падарожжа “Як цікава ўсе на свеце з кнігамі Ягоўдзіка ўсім дзецям”, прысвечанае Міжнароднаму дню роднай мовы. Вучням 4 “Б” класа ДУА “Сярэдняя школа №9 г.Барысава” бібліятэкар Алена Токарава прапанавала ўрывак з апавядання А. Вольскага  “Родная мова”, сэнс якога абмеркавалі разам з вучнямі. Цікава было дзецям даведацца аб гісторыі ўзнікнення беларускай мовы. Традыцыйна, у дзень шанавання роднай мовы, школьнікі знаёмяцца з творамі беларускіх пісьменнікаў.  У лютым бягучага года 60-гадовы юбілей адзначыў знакаміты пісьменнік, драматург, перакладчык і выдаўца дзіцячай серыі кніг аб прыродзе “Скарбы Радзімы” Уладзімір Ягоўдзік. Удзельнікі мерапрыемства пазнаёміліся з творчай біяграфіяй аўтара, прынялі актыўны ўдзел у гучных чытаннях вершаў і апавяданняў пісьменніка.